Lâequipa da Schluein Glion ha sittau en lâemprema ed en la secunda mesadad mintgamai dus gols ed aschia gudignau il giug ordvart encunter St. Margrethen meritadamein. Lâequipa da casa ha pittiu en la gronda calira ed ha stuiu surschar als hosps dalla Surselva pli u meins naven dallâentschatta entochen la fin il domini dil giug ed era ils treis puncts che dattan speronza per la finziun dil campiunadi.
Schluein Glion ha denton duvrau in per caschuns da marcar per puder ir en avantatg. Per cun la quarta buna caschun ei quei gartegiau en la 21avla minuta. Alla fin dâina sperta attacca sur la vart dretga ha Serafin Bundi stuschau la balla anavos sin il punct da penalti, nua che Aron BĂŒchler ha surpriu e sittau ella atras plirs giugadurs ora en la reit. Semegliontamein ei il secund gol curdaus. Puspei ha Schluein Glion attaccau sur lâala dretga e quella gada ha Marino Cavegn sittau la balla traviers avon il gol e Serafin Bundi ha stuschau ella sur lingia en.
Suenter pausa ha Schluein Glion reduciu empau il tempo, aschia che lâequipa da St. Margrethen ei vegnida dâulivar empau il giug. In sbagl dil goli indigen ha lu denton decidiu il giug definitivamein en favur da Schluein Glion. Il goli ha numnadamein fatg ina excursiun cun la balla vi dil pei entochen bunamein miez il plaz, leu ha Marino Cavegn engulau la balla ad el ed aschia saviu sittar ella senza pli grondas breigias el gol bandunau. Cuort avon la fin ei Sattar Afzali vegnius mess a tiara en la zona da puniziun ed Andri Michel ha nezegiau il siet dil punct da penalti per marcar il 0:4.
A Schluein Glion eis ei pia gartegiau da gudignar igl emprem dils quater davos giugs encunter ils adversaris directs el cumbat da relegaziun. Ussa ha ei num da salvar quei slontsch e gudignar aunc ils davos treis giug. Lu sa lâequipa sursilvana ualti segir era dar lâauter onn en secunda ligia ballapei.
FC St. Margrethen â US Schluein Glion 0:4 (0:2)
Rheinau, St. Margrethen. â 45 aspectaturs. â AR: Bilge
Gols: 21. BĂŒchler 0:1; 32. Bundi 0:2, 74. Cavegn 0:3, 86. Michel 0:4 (penalti).
St. Margrethen: Jeremic; Sarac, Korunka, Rexhepi, Imeri (32. Ljatifi); Forgia, Centinkaya, Prenaj, Shoshi (20. Da Silva Matano, 47. Maliqi); Shala, Gonzalez Stemer (63. Aydin).
Schluein Glion: Hornacek; Casutt, Sgier, Coray (69. Egger); Cavegn, Michel, Livio Derungs, Bundi (82. Leblebici), BĂŒchler; Vinzens (77. Gomes Machado), Afzali (86. Dermont).
Remarcas: Cartas mellnas: 35. Coray (foul), 55. Ljatifi (foul), Maliqi (foul), Aydin (63. entraus memia baul sil plaz), Leblebici (buca teniu en distanza). â Schluein Glion senza Deplazes, DâAtria, Matthias Derungs (tuts blessai), Cabalzar (trenament da preparaziun). â Corners: 3:3.