Secund camp da ballapei Raiffeisen naven dils 7 entochen ils 11 d’uost 2017 a Schluein
Proxima stad ha liug per la tiarza gada in camp da ballapei per affons da 6 entochen 15 onns sil plaz da ballapei Crap Gries a Schluein. Al camp che vegn sustenius dalla Banca Raiffeisen ed organisaus da MS Sports san buobs e mattatschas far part e guder duront tschun gis mintgamai dus trenaments a gi. Inclus ein medemamein las marendas, igl equipament necessari, in turnier da finiziun e tenor pusseivladad uras d’autogram cun ballapeists renomai. Naven d’immediat san buobs e mattataschas s’annunziar online.
Naven da gliendisgis, ils 7 d’uost, entochen vendergis, ils 11 d’uost 2017, ha numndamein liug a Crap Gries il tierz camp da ballapei Raiffeisen per affons da 6 entochen 15 onns. Il camp vegn organisaus da MS Sports e porscha als giuvens amitgs dil ballapei la pusseivlada da saver trenar duront ina jamna sut la bitgetta da trenaders versai.
MS Sports ei vegniu fundau igl onn 2007 digl anteriur profi da ballapei Mario Sager. La fatschenta che dumbra oz otg emploiai, dus emprendists e varga 200 gidonters sco trenaders, s’engascha en l’entira Svizra en fatgs socials ed organisescha en tut varga 150 camps da sport el senn dalla promoziun dalla giuventetgna. Ella vegn sustenida dalla Banca Raiffeisen che sponsorescha ils camps da ballapei sco sponsur principal. El 2017 organisescha MS Sports en tut 80 Raiffeisen Football Camps en l’entira Svizra. En mintga cantun ha liug silmeins in camp. El cantun Grischun han liug treis camps, el fenadur in a Vaz Sut, el uost in a Schluein ed egl october in a Cuera. Ils camps cuozzan mintgamai tschun gis. Ils trenaments han liug naven dallas 10 entochen las 12 uras e naven dallas 14 entochen las 16 uras en gruppas da dudisch affons. Als affons vegn surviu in gentar e bubrondas e mintgin retscheiva in equipament da ballapei, numnadamein tenuta, caultschas e soccas ed ina balla – tut dalla marca Adidas – sco regurdientscha. Ils cuosts per saver separticipar al camp muntan a 235 francs per affon.
S’annunziar per il camp da ballapei Raiffeisen a Schluein san buobs e mattatschas naven d’immediat online sin la pagina www.raiffeisenfootballcamps.ch. Ulteriur sclariment era partenent camps da tennis, saltar, ir a cavagl ni camps polisportivs anflan ins sin la pagina www.mssports.ch.
Investa el camp da ballapei Raiffeisen atras ils films da MS Sports
Film camp da ballapei: https://vimeo.com/147346894
Film MS Sports: https://vimeo.com/147340345
Nus selegrein da puspei astgar beneventar il camp da trenament tier nus.
