Era schâei a puspei tunschiu mo per in remis: lâequipa da Schluein Glion ha mussau a S. Gagl encunter il KF Dardania ina buna morala ed ina buna prestaziun e recaltgau silmeins in punct entras in gol dâAron BĂŒchler en la 92avla minuta, il qual ei vegnius survius ideal da Gian Sgier. Il dus defensurs han pia procurau per il remis, in mussament che lâentira equipa ha exnum buca vuliu ir a casa cun mauns vits ed ha cumbattiu entochen alla fin cun grond engaschi.
Ed ei havess per pauc aunc tunschiu per dapli: en la pli davosa minuta ei Marino Cavegn numnadamein aunc inagada mitschaus dalla defensiun, suenter esser curius igl entir giug stediamein anavon ed anavos ha el denton buca giu la forza pli da stuschar la balla sper il goli vi, aschia che lez ha saviu pigliar ella. Quei fuss naturalmein stau il punct culminont en in giug nua che Schluein Glion ha stuiu desister sin plirs giugadurs da tschep muort blessuras ni absenzas. Perquei ha lâequipa rinforzau la defensiun e giugau cun spertas cunterattaccas, las qualas han buc plaschiu aschi bein allâequipa da casa. Tuttina ei lezza ida en avantatg entras Rohollah Afkari en la dudischavla minuta. Aunc avon la pausa eis ei reussiu a Schluein Glion dâegalisar exactamein cun ina cunterattacca. Sattar Afzali ei vegnius lantschaus dalla vart dretga ed ha saviu cuorer persuls encunter gol. El ha viu che Murat Leblebici era sin la medema lingia ed ha surviu la balla ad el, aschia che lez ha saviu marcar siu emprem gol per Schluein Glion.
Suenter pausa ha lu igl emprem igl arbiter surpriu la rolla principala el giug. Suenter 56 minutas ha el schulau in penalti suenter inâintervenziun da Gianluca Coray, il qual ha claramein tuccau la balla e buca igl adversari. Schizun ils aspectaturs indigens ein stai tut perplex da quei schul che negin havess spitgau. Afkari ha nezegiau il penalti e marcau siu secund gol. Cuort pli tard ha igl arbiter aunc inagada mussau sil punct da penalti, quella gada era igl attaccader silmeins vegnius tuccaus levamein dil defensur avon châel ei seplacaus per tiara vi. Quei penalti ha Afkari vuliu nezegiar per marcar siu tierz gol, mo quella gada ha Flurin Capaul mess en il veto. El ei siglius el dretg cantun ed ha teniu il siet ed aschia dau a sia equipa la pusseivladad da egalisar en las davosas minutas.
KF Dardania S. Gagl – US Schluein Glion 2:2 (1:1)
GrĂŒndenmoos. â 190 aspectaturs. â AR: Sidler
Gols: 12. Afkari 1:0, 38. Leblebici 1:1, 57. Afkari 2:1 (penalti), 90.+2. BĂŒchler 2:2.
Dardania: Albrecht; Berisha (46. Nesimi), Briner, Gashi, Ibrahimi (66. Sinani); Beqiraj, Estifanos, Morina (67. Salvatore), Djelassi (55. Canoski), Preniqi (71. Redzepi); Afkari.
Schluein Glion: Capaul; Gallmann, Coray, Gian Sgier, BĂŒchler; Michel, Egger, Gomes Machado, Cavegn, Leblebici (65. Stabile); Afzali (90.+2. Andri Sgier).
Remarcas: Cartas mellnas: 66. Afzali (reclamar), 84. Gomes Machado (foul), 90.+1. Redzepi (foul), 90.+5. DâAtria (reclamar). â Schluein Glion senza Bundi, Gianluca Casutt, Deplazes, Dermont, Matthias Derungs, Vinzens (tuts blessai), Livio Derungs (serraus), Cabalzar (trenament da preparaziun), Violi (absents). â 68. Capaul tegn in penalti sittaus da Afkari. â Corners: 7:3.