Sin in plaz artificial cuort, stretg e da fetg schliata qualitad ha Schluein Glion spiars siu secund giug da primavera encunter Herisau claramein. Ils giugadurs da casa che treneschan e dattan era ils biars da lur giugs sil plaz artificial han nezegiau quei avantatg e buca schau grondas schanzas als hosps, ils quals vegnevan all’entschatta strusch da fitgar pei sil terren nunusitau e bletschs dalla plievgia.
Il giug ha entschiet sco gleiti usitau per Schluein Glion: gia en l’emprem minuta ei il 1:0 curdaus sin in siet da distanza ed otg minutas pli tard steva ei gia 2:0 per Herisau. Plaun, plaunsiu ein ils Sursilvans lu vegni empau meglier el giug e suenter in corner ha Martijn Egger stuschau la balla sur lingia en e scursaniu il resultat. Quei success ha denton buca purtau gronda euforia a Schluein Glion. Gia en la proxima attacca da Herisau ei il 3:1 curdaus, Simon Gallmann ha deviau in pass dalla vart dretg egl agen gol ed en la 31avla minuta ha Marvin MĂŒller, astgau sittar siu emprem gol, medemamein sin ina flanca neu dalla vart dretga. En la 38avla minuta ha Sattar Afzali mussau ch’el ei in fin ed agil giugadur. Sin pign plaz ha el cuglienau dus adversaris e finiu l’acziun cun in siet ferm e precis el cantun bass dretg. Tgi che ha quintau che quei gol detti niev anim all’equipa ei vegnius trumpaus pulitamein, gia en la proxima attacca ei numnadamein il proxim gol per Herisau curdaus e puspei ei la flanca vegnida dalla vart dretga ed il gol ha l’ala seniastra astgau sittar.
Suenter pausa ei il giug lu vegnius pli ruasseivels. All’equipa da casa ein las forzas svanidas empau e Schluein Glion ha vinavon giu breigias cul plaz e las relaziuns. Omisduas equipas han aunc sittau in gol â Herisau naturalmein suenter ina flanca dalla vart dretga, Schluein Glion cun in bi siet da distanza da Sattar Afzali â e terminau aschia il giug. Per ils giugadurs da Schluein Glion vala ei d’emblidar quella sera malgartegiada aschi prest sco pusseivel e da seconcentrar sil proxim giug, che ha liug sonda a casa encunter Abtwil Engelburg. Las relaziuns sil pastg a Schluein vegnan segir ad esser meglieras, era sche il plaz a Crap Gries ei sedestadaus per dacuort ord la sien d’unviern.
FC Herisau – US Schluein Glion 6:3 (5:2)
Kreckel. â 45 aspectaturs. â AR: Kilic
Gols: 1. Zigerlig1:0; 9. Thönig 2:0; 24. Egger 2:1; 25. Autogol (Gallmann) 3:1; 31. MĂŒller 4:1; 38. Afzali 4:2; 40. MĂŒller 5:2; 61. Uemit 6:2; 88. Afzali 6:3.
Herisau: Rosenfelder; Zigerlig (62. Yildirim), Machado Ramalho, Susic, Thönig; Kurzbauer (76. Loprete), Tolino (69. Staub), Uemit; Gomes Goncalves (60. Casado), Gavrilovic (69. Messmer), MĂŒller.
Schluein Glion: Hornacek; Gallmann (67. Leblebici), Camenisch, Egger, BĂŒchler; Coray (46. Stabile), Sgier, Livio Derungs; Deplazes (51. Neves Lopes), Afzali, Vinzens (70. Gomes Machado).
Remarcas: Cartas mellnas: 49. Deplazes (reclamar); Schluein Glion senza Bundi, Gianluca Casutt, Dermont, Matthias Derungs, DâAtria (tuts blessai), Cabalzar, Michel, Violi (absents), Cavegn (serraus). â 90.+4. siet en la latta traversa da Sgier. â Corners: 8:5.