Neginas schanzas per l’equipa da Schluein Glion dumengia suentermiezgi giu Domat sil plaz da ballapei Vial. En il sulet derbi Grischun dalla secunda ligia domineschan ils da casa naven dalla biala entschatta e gudognan era en quella altezia meritadamein. Als giugadurs da Schluein Glion vul nuot gartegiar: mintga auter pass ei fallius, biaras malcapientschas, ballas piarsas els pli tups muments, ei pareva sco sche ils giugadurs fussan buca promts per il giug e sco sch’ei havessan tema. Al trenader eis ei en tut cass buca gartegiau da tschentar en l’equipa optimal sin quei giug impurtont.
Aschia eis ei stau sempel per Domat. Treis gols avon pausa han atgnamein gia decidiu il giug ed ils quater gols suenter pausa, dus sin penaltis, han mo aunc francau la differenza che ha regiu denter las duas equipas en quella partida.
FC Domat/Ems – US Schluein Glion 7:0 (3:0)
Vial. – 160 aspectaturs. – AR: Nesimi
Gols: 8. Giorgjievski 1:0, 19. Frizzoni 2:0, 40. Topalli 3:0, 50. Gringer 4:0 (p.), 60. Giorgjievski 5:0, 65. Nsingui 6:0, 73. Garcia 7:0.
Domat: Hartmann; Hunger, Hanad Beso, Mahir Beso (71. Zanolari), Nsingui; Frizzoni, Gringer, Limani (56. Djermanovic), Topalli (67. Garcia); Yogarajah (67. Hanan Beso), Giorgjievski (61. Bonderer).
Schluein Glion: Capaul; Gomes Machado (59. Gallmann), Matthias Derungs, Gian Sgier, Büchler (71. Frias); Michel (59. Andri Sgier), Livio Derungs, Bundi; Vinzens (69.Leblebici), Tschalèr, Lekishvili (59. Stabile).
Remarcas: Cartas mellnas: 26. Limani (malsportadad), 31. Hunger, 45. Gian Sgier, 58. Livio Derungs, Büchler (tuts per fouls). – Schluein Glion senza Gianluca Casutt, Egger (blessai), D’Atria (malsauns), Dermont (absents). – Corners: 6:1.