Schluein Glion parta cun in remis

En ina plitost mudesta partida han las equipas da Schluein Glion e Herisau partiu egl emprem giug dil niev campiunadi ils puncts. Per ils indigens ch’ein parti el giug muort absenzas cun quater juniors A sil baun da reserva, che han stuiu remplazzar dus giugadurs bien e baul muort blessuras e che han piars in giugadur in quart ura avon la fin pervia dalla secunda carta mellna atgnamein aunc in bien resultat. Era sch’ei fuss schizun stau pusseivel da gudignar encunter in fetg mediocher adversari. La schanza da sittar il 3:1 ha Rui Gomes Machado giu en la 64avla minuta. Persuls avon il gol ha el denton buca tuc la balla endretg ed aschia forsa munchentau la decisiun finala. Persuenter ha el giu sittau diesch minutas pli baul il 2:1 cun ina biala „latiarna“ ord 30 meters suenter ch’el era vegnius survius dil goli da Herisau! Era igl emprem gol dils hosps ei curdaus sin la medema moda e maniera. Cristian Tolino ha pudiu tier la balla rodund 40 meters avon il gol, viu ch’il goli steva sin la lingia da sedisch ed alzau la balla bi sur el en en la reit. Era ils dus ulteriurs gols ein curdai semegliontamein, omisdus mintgamai sin in corner dalla vart seniastra e cun in siet cul tgau.

US Schluein Glion – FC Herisau 2:2 (1:1)

Crap Gries. – 210 aspectaturs. – AR: Kilic

Gols: 8. Tolino 0:1, 23. BĂŒchler 1:1, 55. Gomes Machado 2:1, 81. Wanner 2:2.

Schluein Glion: Capaul; Dermont, Gian Sgier, Casutt (37. Andri Sgier), BĂŒchler; Leblebici (90.+3 Lerchi), Michel, D’Atria, Gomes Machado; Vinzens, Lekishvili (60. Stabile).

Herisau: Grubenmann; Thönig, Dautaj (67. Wanner), Susic (70. Djana Casano), Rudolf (46. MĂŒller); Tolino, Loprete (60. Ehrbar), Gavrilovic, Huber; Yilidirim (67. Wanner), Bischof.

Remarcas: Cartas mellnas:  45. Tolino (foul), 52 D‘Atria (foul) – Carta mellen/cotschna: 77. D’Atria (foul) – Schluein Glion senza Bundi, Egger (blessai), Livio e Mathias Derungs (absents). – Corners: 3:7.