Venderdis pign ha il SC Razen beneventaus la secunda da Schluein Glion sil plaz da ballapei Saulzas tier in giug da cazzola. Cun ina gronda roschada da personal ha la Zwota priu encunter il cumbat encunter la rutinada equipa. Suenter la terrada a Panaduz ha la Zwota vuliu far ei meglier a Razen.
Igl ei gartegiau, gia suenter 2 minutas menava la secunda cun 1:0. Cun fetg bia sustegn dil goali da Razen che ha schau curdar ina candeila egl agen goal. Quei ha fatg gni neunavon ils vegls taurs da Razen. Cun bunas acziuns offensivas vegnevan ei enqual gadas malsegirs avon il goal dall’USSI. Cun duas, treis bunas cunter attacas ei denton era l’equipa da Schluein Glion vegnida tier occasiuns. Il problem cun il davos pass che la Zwota ha, han ins viu en quei giug, mo cul grond engaschi da tutts ed in ferm goali eis ei stau tochen pausa tier igl 1:0.Â
Suenter pausa han ins viu che Razen ha breigias dad ir cun il tempo dalla secunda. Aschia ei Ronny Della Morte vegnius lanschaus cun in bi pass e mo saviu vegnir frenaus cun in foul dil goali ella da sedisch. Sco ina veglia uolp ha Joel Cabalzar priu il bal e sittau il 2:0. Razen ha aunc inagada dau in sforz per gni en el giug. Cun empau cletg digl arbiter ed ina stabila defensiun ha la USSI buca pli schau tier bia. Cun dar meglier a fin ils conters havess ei aunc saviu dar in ni dus goals per la Zwota mo aschia eisi restau tier in meritau 2:0.
Dumengia en ina jamna ei la secunda hosp a Samedan tier ils Lusitanos.
SC Razen – US Schluein Ilanz 2 0:2 (0:1)
Saulzas, Razen
Gols: 2. Silvan Frehner 0:1, 55. Joel Cabalzar (Penalty) 0:2
US Schluein Ilanz 2: Flurin Capaul; Cedric Wellinger, Patrick Camenisch, Silvan Frehner, Otto Derungs (79. Curdin Bundi) ; Raphael Malin (60. Dario Derungs), Silvan Welter (75. Livio Casutt), Arno Panier, Sven Brasser (45. Luca Stabile); Ronny Della Morte, Joel Cabalzar (90. Silvan Welter)
Remarcas: DebĂĽt da Raphael Malin e Luca Stabile tier la Zwota
Admoniziuns USSI 2: 58. Silvan Welter, 70. Tscharva, 87. Luca Stabile