Schluein Glion spiarda suenter ina prestaziun mediocra encunter il vischin dalla tabella Arbon 05 e fa perquei in pass anavos en la tabella. Lâequipa sursilvana ha pariu duront il giug entir sco bloccada. Biars pass malgartegiai e biaras insufficienzias tecnicas han fatg vegnir pli ferms igl adversari, aschia che tal ha la finala segir buca engulau la victoria.
Naven dallâentschatta han ils hosps pariu pli allerts che lâequipa da casa. Suenter in quart ura havess Arbon atgnamein giu meritau in gol. Cun duas grondiusas paradas encunter Damian Hug – châei gia suenter quater minutas staus tut persuls avon gol â e suenter in siet da Admir Basic ha David Hornacek denton impediu quei. Denter quellas duas acziuns ha Alessandro Giacomelli, il giugadur-trenader che ha per la secunda gada en quest campiunadi giugau en la defensiun, menau cun vuler impedir in gol in pass en lâatgna traversa. Era en quella situaziun ha lâequipa da casa giu cletg. PĂ©r suenter quella entschatta plitost malgartegiada ei lâequipa sursilvana vegnida empau meglier el giug ed ha era giu ina, duas bunas occasiuns da marcar, per sittar in gol ha ei denton buca tunschiu. Cuort avon pausa eis ei lu tuttina aunc gartegiau ad Arbon dâir en avantatg, atgnamein empau nunspetgadamein, cunquei châil giug era en quella perioda ualti secalmaus. Ina malcapientscha denter in defensur ed il goli ha Marvin Merz nezegiau cun siglir denteren e menar la balla bunamein naven dalla lingia da gol vi ed en la reit.
Cun quei resultat ein il giugadurs i en la pausa. Suenter il tĂ© han ils numerus aspectaturs spitgau pli u meins duront lâentira secunda mesadad sin ina reacziun da Schluein Glion. Bein ha lâequipa da casa empruau da dar empau pli offensiv e da metter la defensiun dils hosps sut pressiun. Quei ei denton gartegiau mo a mesas. Situaziuns malsegiras en la zona da puniziun ha ei vinavon dau mo paucas, occasiuns da sittar gols ein stai raras. Cunquei châera lâequipa dâArbon ha buca brigliau pli en lâoffensiva ed ei plitost seconzentrada da star bein en la defensiun ei la secunda mesadad ida a fin senza gols. Ils hosps han aschia recaltgau treis puncts impurtonts ed ein vargai Schluein Glion en la tabella.
Schluein Glion sto ussa mirar da saver recaltgar dumengia proxima el davos giug dalla runda dâatun treis puncts encunter il davos dalla tabella Rheineck per buca stuer passentar igl unviern sin in plaz da relegaziun.
US Schluein Glion â FC Arbon 05 0:1 (0:1)
Crap Gries. â 275 aspectaturs. â AR: Eugster
Gols: 39. Merz 0:1.
Schluein Glion: Hornacek; Dermont, Giacomelli, Matthias Derungs, Welter; Truffer (73. Routek), Livio Derungs, Cavegn, Airaghi (61. Gilian); Tiziano Vinzens (68. Bundi), Caduff.
Arbon 05: Straub; Merz, Mevmedoski, Vasic, Telatin; Baiao, Ciullo (85. Kriebel), Hug, Montinaro; Haltinner; Basic (70. Abdoski).
Remarcas: Cartas mellnas: 30. Mevmedoski (foul), 65. Telatin (foul), 67. Caduff (reclamar), 75. Giacomelli (buca tener en la distanza). â 12. Giacomelli meina la balla en lâatgna traversa, 14. Hornacek meina siet da Basic en la petga. â Corners: 6:5.