La secunda spiarda giu Razén

Suenter la victoria encunter il CB Surses ha la secunda priu cun il slonsch a Razen. Tier temperaturas dad entuorn 30 grads ha Razen giu breigias dad ir cun il tempo da Schluein Glion l‘entschatta dil giug. Aschia ha Dario Derungs era marcau suenter ina biala acziun sur pliras staziuns igl 1:0 meritadamein. Suenter igl 1:0 ha Schluein Glion giu pliras fetg bunas offertas da marcar il 2:0 e 3:0. Mo tgi che fa buca ils goals survegn els. Muort in autogoal da Schluein Glion eisi iu cul resultat dad 1:1 en la pausa.

Suenter pausa era il giug pli ulivs ed era igl arbiter schulava mintga pign contact che negina equipa ei vegnida en el giug. Ina buna acziun da Schluein Glion han ils giugadurs rutinai da Razen nezegiau ora brutalmein, suenter haver gudignau il bal e dus, treis pass eran ei avon il goal ed igl attcader ha marcau il 2:1. Il giug ei vegnius pli e pli hectics. Ei ha dau colur al giug. Razen ha dau cool vinavon, e sche la secunda smaccava cun tut las forzas sin il 2:2. Il 3:1 ei puspei curdaus suenter in sbagl dall’USSI ed in bellezia siet da dumengia dalla Nr. 10. Suenter quei goal era il cup migliaus. Mo dar 45 minutas bein tonscha en quarta liga buca per puncts.

Suenter ina pausa da duas jamnas ei la secunda equipa da Domat Venderdis sera dallas 20:15 hosp a Crap Gries.

SC Rhäzüns 1 – US Schluein Ilanz 2 3:1 (1:1)

Gols: 32. Dario Derungs 1:0, 43. Autogoal 1:1, 50. SC Razén 1:2, 79. SC Razén 1:3

US Schluein Ilanz 2: Marco Cavegn; Cedric Wellinger, Patrick Camenisch, Marc Camenisch, Robin Studer; Ronny Della Morte, Arno Panier (15. Silvan Frehner), Gian Sgier, Fabian Coray; Livio Casutt (52. Mauro Arpagaus) Dario Derungs

Remarcas: admoniziuns USSI 2: 39. Gian Sgier (foul); 90. Robin Studer (nunsportivadad); 90+1 Dario Derungs (foul); 90+2 Ronny Della Morte (numsportivadad)

Rapport: Silvan Frehner