Suenter che il derbi encunter il CB Lumnezia ei curdaus unfrenda alla neiv la fin dâjamna vargada, tuts che vessan spitgau ina equipa indigena frestga e cargada per il giug encunter Sargans. Igl ei denton stau ils hosps che han fatg naven dalla biala entschatta lâimpressiun pli frestga e semtgada per la sfida a Crap Gries. Damai che lâequipa indigena ei duront igl entir giug stada plitost passiva ed aschia bu vegnida da crear schanzas da marcar sco usitau, ei la fin finala seresultau ina terrada meritada per il caucasa encunter Sargans.
Il giug era bein 3 minutas vegls che ils hosps vegnan tier ina buna occasiun da marcar igl emprem gol. Suenter in foul dils indigens amiez il plaz ed in culp liber per Sargans anfla la balla il tgau dâin attacader dil hosps e sdrema silsuenter la latta dil gol da Hornacek. Ils hosps ein era vinavon lâequipa pli activa ed alerta, aschia che els vegnan gia ella 8avla minuta tier la proxima buna occasiun da marcar. David Hornacek reaghescha denton excellent e vegn aschia dad evitar igl emprem gol per Sargans cun ina biala parada. En la 35 minuta eis ei lu tuttina aschi lunsch, Rahulan Sivalingam marca igl 0:1 per sias colurs cun in siet da distanza che vegn aunc deviaus dad in defensur indigen, quei suenter in sbagl ella attaca dils caucassa ed in spert conter da Sargans. Vida quei resultat ei lu semidau nuot pli entochen pausa.
Ils indigens entscheivan en la secunda mesadad cun dus frestgs giugadurs ed ina formaziun pli offensiva. Quellas midadas vessa bunamein sepagau ora en la 47avla minuta cura che il trenader-giugadur Alessandro Giacomelli marca igl 1:1 suenter ina flanca dalla vart dretga. Deplorablamein ha el mo pudiu tier la balla cun ils mauns e bu cul tgau, aschia che igl arbiter ha stuiu annular il gol. Las proximas 15 minutas che suonda ein lu stadas la megliera fasa dalla equipa da casa en quei giug. Ins ha bein viu che lâequipa era premurada da midar il cuors dil giug, mo la plipart dallas acziuns ein vegnidas giugadas memia a la svelta aschia che igl ei seresultau bia sbagls e fouls, mo neginas claras schanzas per egalisar. En la 68avla minuta vegn lu il slontsch dils idigens frenaus anetgamein suenter che Sargans marca il 0:2 entras Willi suenter in corner. En las minutas restontas dattan omisduas equipas lu in ballapei empau pli robust, denton senza crear pli schanzas da marcar dâina vart ni da lâautra. Sargans ha mussau ina prestaziun engaschada e solida e prenda aschia meritdamein ils treis puncts a casa. Per lâequipa da casa dat ei nuot auter che dâacceptar la terrada, analisar ils sbagls e focusar sil proxim giug; il derbi cun il CB Lumnezia che vegn prius suenter la proxima fin dâjamna.
US Schluein Glion – FC Sargans 1 0:2 (0:1)
Crap Gries, Schluein. â 180 aspectaturs. â AR: Lekaj
Gols: 35. Sivalingam 0:1, 68. Willi 0:2.
Schluein Glion: Hornacek; Welter Sergio (45. Giacomelli), Berni, Derungs Livio, Welter Silvan; Vinzens Luca, Bundi (58. Gartmann), Cavegn Marino (80. Airaghi), Vinzens Tiziano; Tschaler (45. Fabrizio Cavegn), Caduff;
Sargans: Dosch; Mathis, Kalberer, Kreis, Schai; Sivalingam, Spillmann, Walser, Giordano; Schumacher, Willi;
Remarcas: Cartas mellnas: 65. Willi (foul), 68. Giacomelli (reclamar), 70. Caduff (reclamar), 77. Vinzens (foul), 80. Marino Cavegn (foul), 91. Kalberer (foul), â Schluein Glion senza Caldeira (serraus), Matthias Derungs, Andreoli e Dermont (tuts blessai) â 3. siet en la traversa da Sargans.