Suenter la terrada dalla davosa fin dâjamna giu en la Val Puschlav ei lâequipa da Schluein Glion puspei turnada sonda vargada al success cun gudignar encunter il CB Landquart-Segneradi 4:2. Suenter inâentschatta perschuadenta ha lâequipa denton schau suenter fetg e surschau a Landquart il domini dil giug. Il gol decisiv ei aschia curdaus per el temps supplementar.
Lâequipa da casa ha priu il giug allâentschatta enta maun e dominau igl adversari tenor giavisch. Aschia ha ei buca fatg surstar che Schluein Glion menava suenter ina mesa ura cun 3:0. Dus bellezia gols suenter cumbinaziuns sur pliras staziuns entras il giugadur-trenader Alessandro Giacomelli e Lars Caduff ed in gol cul tgau da Stephan Berni suenter in culp liber han menau a quei avantatg. Suenter quels treis gols ei lâequipa denton vegnida empau letargica e ha schau sittar Landquart mo ina minuta pli tard cun sia emprema caschun entras Stjepan Petrovic il 3:1. Quei gol ha dau als hosps dabia slonsch per la secunda mesadad. Els han surpriu pli e pli il domini dil giug ed ein entginas gadas vegni malsegirs en la zona da puniziun dils indigens. Suenter ina buna ura han ils hosps lu era sittau lur secund gol entras John Rodrigues che era mo quater minutas pli baul vegnius midaus en. Ussa ei la pressiun da Landquart aunc vegnida pli ferma ed ei ha duvrau duas grondiusas paradas da David Hornacek per buca schar egalisar ils hosps. Schluein Glion ha empruau da vegnir al success cun spertas cunterattaccas, quellas ein pil pli buca vegnidas giugadas a fin cun perschuasiun ed exactadad, aschia che las aspectaturas ed il aspectaturs han stuiu spitgar entochen il temps supplementar per saver applaudir al gol decisiv. Quel ha puspei Lars Caduff sittau suenter châel ei mitschaus sin la lingia dâamiez dil davos adversari e curius persuls encunter gol.
Cun quella victoria surpren Schluein Glion puspei il tgamun en la tabella dalla tiarza ligia, cunquei che Bogn Ragaz ha fatg mo in remis encunter Netstal. Dumengia proxima suonda ussa il derbi encunter il CB Lumnezia, quel ha liug a Vella sil plaz da ballapei Bual allas 14:00 uras.
US Schluein Glion â CB Landquart-Segneradi 4:2 (3:1)
Crap Gries. â 202 aspectaturs. â AR: Saliu
Gols: 17. Giacomelli 1:0, 27. Caduff 2:0, 29. Berni 3:0, 30. Petrovic 3:1, 64. Rodrigues 3:2, 90.+3. Caduff 4:2.
Schluein Glion: Hornacek; Dermont (73. Fabrizio Cavegn), Berni, Livio Derungs, Silvan Welter; Giacomelli, Luca Vinzens, Marino Cavegn, Andreoli (61. Airaghi); Caduff, TschalĂšr (68. Gartmann).
Landquart: DĂŒrst; Roffler, Gallmann, Martin, Weber (61. Rodrigues); Maurer, Oswald, Pirovino, Pelizzatti; Fausch, Petrovic.
Remarcas: Cartas mellnas: 63. Pelizzatti (foul), 88. Martin (reclamar). â Schluein Glion senza Caldeira e Tiziano Vinzens (serrai), Bundi, Matthias Derungs, Sergio Welter (absents). â Corners: 5:2.