La sonda sera ha la secunda equipa da Schluein / Glion fatg il viadi giu Panaduz. L‘equipa da casa ha en questa stagiun gudignau soli in punkt e l‘equipa da Schluein / Glion vegn cun ina fetg ferm fuorma da treis victorias en suite giu Panaduz, aschia era la rolla da favorit clar tier l‘USSI.
Mo ellas empremas minutas dil giug ha l‘equipa da Panaduz dau gas. Cun adina puspei ballas liungas han ei empruau da gni davos la defensiun da Schluein/Glion. Ella 5 avla minuta han ils hosps giu grond cletg che in siet dil attacader da Panaduz ha mo tuc la traversa. Suenter l‘lemprema quart d’ura han lu ils hosps surpriu il commando sil platz da ballapei Tuleu.
Il goal leva tuttina aun buca reussir als hosps. Sadat Hares e la tscharva Dario Derungs han muncentau bunas offertas da far igl emprem goal. Il giug ei staus en quella phasa fetg nervus, bia sbagls sin domiduas varts. Entuorn la 30 avla minuta ha ei lu scalinau inper gadas el goal da Panaduz. Enteifer 5 minutas ha Schluein / Glion decediu quei giug cun far 3 goals. Dus goals dalla tscharva ed in goal tras Ronny Della Morte. Tochen pausa eis ei buca pli capitau bia e las equipas ein ir cun in 3:0 per Schluein/Glion ella pausa.
Suenter pausa ei lu curdaus spert il 4:0 tras ina biala acziun da Ronny Della Morte. Schizun il pli grond optimist da Panaduz ha saviu che quei vegn nuot pli dad ir per puncts oz, aschia ha l‘equipa da casa dau si. Schluein ei gnius tier bia bunas schanzas mo ei ha mo pli dau in goal pil 5:0 puspei tras RDM che ha fatg perfects siu Hattrick. Offensiv sco defensiv ha Schluein/Glion muossau oz ina fetg buna prestaziun ed era en tuts reguards suren a Panaduz.
L‘autra dumengia frunta la secunda a Crap Gries dallas 14:00 la tiarza equipa da Cuera 97. Tier il davos giug da casa en quella runda d`atun.
FC Panaduz – US Schluein Ilanz 0:5 (0:3)
Tuleu, Panaduz
Gols: 29. Dario Derungs 0:1, 31. Ronny Della Morte 0:2, 34. Dario Derungs 0:3, 51. Ronny Della Morte 0:4, 79. Ronny Della Morte
US Schluein Ilanz 2: Flurin Capaul; Dario Casutt, Patrick Camenisch (66. Silvan Frehner), Marc Camenisch, Ivan Derungs (60. Robin Studer); Ronny Della Morte (55. Livio Casutt), Gian Sgier, Arno Panier (60. Fabian Coray), Sadat Hares (55. Curdin Bundi); Mauro Arpagaus, Dario Derungs (72. Ronny Della Morte)
Remarcas: admoniziuns neginas
Rapport: Silvan Frehner