Il davos giug dalla sesiun dall’US Schluein Glion ei era stau il davos giug per il cautrenader Cyrille Belinga. El ha surpriu l’equipa la primavera 2016 e banduna l’USSI suenter dus onns e miez enviers Turitg. Tier temperaturas da stad era dumengia vargau il club da ballapei da Razén hosp a Crap Gries che ha empruvau da seriscuder enviers la relegaziun en quarta ligia. Per l’US Schluein/Glion mava ei per serrar giu la sesiun sil tierz plaz ed aschia saver rimnar confidonza per il campiunadi 2018/2019.
Avon 106 aspectaurs ha l`equipa da casa entschiet en fetg ferm, suenter 27 minutas steva ei gia 5:0 per l‘USSI. Spert han ils aspectaturs sentiu che ils giugadurs da Razén han dau si lur resistenza. Entochen pausa ha mintga equipa aunc mintgamai fatg in goal, aschia che il giug era gia decidius da pausa cun in resultat da 6:1.
Suenter pausa ha Schluein/Glion denton dau vinavon sco avon. Cun fetg bialas combinaziuns ed in bi ballapei offensiv han els fatg in goal suenter l‘auter. Il 9:1 atras Gabriel Derungs sin penalty era gia siu tschunavel dil gi ed il davos en sia carriera per Schluein Glion. Era Gabriel Derungs banduna Crap gries, el seretrai dil ballapei activ. Schluein/Glion ha silsuenter aunc alzau il resultat sin 11:1, cun quella victoria terminescha l’equipa la sesiun sin il tierz plaz.
L’US Schluein Glion admetta era in grond engraziament als aspectaturs che han sustegniu l’USSI a Crap Gries sco era ordeifer als giug. Engraziel fetg!
US Schluein Glion – SC Rhäzüns 11:1 (6:1)
Crap Gries, Schluein. – 106 aspectaturs. – AR: Passeri
Gols: 5.Tiziano Vinzens 1:0, 15. Gabriel Derungs 2:0, 18. Stephan Berni 3:0, 21. Gabriel Derungs 4:0, 27. Gabriel Derungs 5:0 32. Noé Niederer 5:1, 44. Gabriel Derungs 6:1, 56. Marino Cavegn 7:1, 66. Luzi Dermont 8:1, 77. Gabriel Derungs 9:1, 85. Raffaele Airaghi 10:1, 90. Raffaele Airaghi 11:1
Schluein Glion: Hornacek; Welter, Livio Derungs, Berni (64.Wellinger); Ramon Derungs, Cavegn, Luca Vinzens (70. Bundi), Andreoli (46. Dermont), Tiziano Vinzens, Caduff (46. Airaghi), Gabriel Derungs (77.Caduff).
Rhäzüns: Jecklin (46. De Sousa); Jenni (25. Sibilia), Oertli, Zanolari, Maraj (25. Sonder); Moar (64.Jenni), Dorn, Niederer, Jannone (46. Luck); Tino (75. Maraj), Agael (25. Hosang 75. Agael)
Remarcas: Schluein Glion senza Camenisch (blessaus) – Cartas mellnas: 54. Moar