En la prerunda dil Cup Svizzer ha l’emprema equipa da Schluein Glion dau dumengia vargada encunter ils vischins da Laax sin la plazza sportiva a Lag sec. Naven dall’entschatta ha l’equipa da Cyrille Belinga dominau il giug encunter l’equipa da tschunavla ligia e sittau aschia entochen pausa tschun goals. Suenter pausa ei il giug daventaus empau pli luc, aschia ch’igl ei reussiu alla equipa indigena da tener la terrada en mesira, gie, en la 50avla minuta eis ei schizun gartegiau a lur attaccader da sittar il gol da honur. Il giug da cup ei stau il davos giug da preparaziun per l’equipa da Schluein che entscheiva sonda proxima (18:00 uras) il campiunadi da tiarza ligia cun il giug da casa encunter l’equipa da Valposchiavo Calcio.
CB Laax – US Schluein Glion 1:8 (0:5)
Lag sec. – 100 aspectaturs.
Gols: 19. Andreoli 0:1, 25. Bundi 0:2, 28. Caduff 0:3, 41. Ramon Derungs 0:4, 45.+1. Caduff 0:5, 49. Caduff 0:6, 50. Zurbriggen 1:6, 53. Andreoli 1:7, 84. Ramon Derungs 1:8.
Laax: Casutt; Coray, Perez (54. Kakovan), Buchli, Imper; Tschuor (63. Ghanizada), Toni Vinzens, Hunger, Gartmann; Zurbriggen, Taege (29. Matiu Dermont).
Schluein Glion: Capaul; Livio Derungs, Berni (46. Luca Vinzens), Welter; Bundi (66. Tschalér), Ramon Derungs, Cavegn (57. Luzi Dermont), Coray; Andreoli, Caduff, Tiziano Vinzens.
Remarcas: Verwarnung: 83. Buchli (Foul).