Clara victoria per la secunda equipa da Schluein Glion encunter il capogruppa Trun/Rabius! Cunzun en l’emprema mesadad han ils indigens dominau il giug e sittau quater gols al 4:1. Il pli bi gol da quels quater ei segir quel da Dario Derungs staus che ha purtau il 3:1. Igl attaccader ha survegniu la balla dalla vart seniastra sin l’altezia dalla lingia da sedisch, ha fatg in per pass en direcziun miez e lu sittau la balla sur il goli da Trun/Rabius en el cantun ault dretg. In bellezia siet.
Suenter pausa ha Trun/Rabius empruau da volver il giug. En la 52avla minuta eis ei lu era gartegiau da sittar il secund gol a Damian Schmed, il qual ha dau empau curascha e speronza als hosps. Quella speronza ha denton buca cuzzau gitg, mobein exact 10 minutas. Lu ha Ronny Della Morte marcau cul tgau il tschunavel gol per Schluein Glion ed aschia decidiu il giug pli u meins definitivamein. A Trun Rabius eis ei numnadamein buca reussiu da dominar il giug el rest dil temps muort la buna e concentrada prestaziun dalla equipa indigena. Aschia che Trun/Rabius ha duvrau en la davosa minuta in penalty per saver migliurar aunc empau il resultad.
Telegram
US Schluein Glion 2 – CB Trun/Rabius 5:3 (4:1)
Crap Gries. – 175 aspectaturs. – AR Bukadum
Gols: 9. Derungs 1:0, 27. Raap 1:1, 28. Sgier 2:1, 38. Derungs 3:1, 45. Berni 4:1, 52. Schmed 4:2, 62. Della Morte 5:2, 90. Janka 5:3 (foulpenalty).
Schluein Glion 2: Cavegn; Dario Casutt, Arno Panier, Marc Camenisch, Studer; Sgier, Berni, Bonolini (80. Livio Casutt), Patrick Camenisch (76. Silvan Casutt); Derungs (85. Ronny Panier), Della Morte (87. Riesen).
Trun/Rabius: Tomaschett; Cadruvi, Janka, Cajacob (60. Tambornino), Schmed; Gautschi, Raap (90. Vincenz), Clau Berther, Beer; Stagliano, Monn (46. Candinas).
Remarcas: Admoniziuns: 15. Cajacob (foul), 90. Sgier (reclamar).